O Concello de Santiago de Compostela e a Cámara de Comercio lembran que está aberta unha nova edición dos Premios Manuel Beiras, que desde o ano 2000 recoñecen o compromiso das empresas co uso do galego como lingua de comunicación, confianza e identidade.
Poden participar todas as empresas con actividade ou presenza destacada en Santiago, e as candidaturas poden ser presentadas pola propia empresa ou por calquera outra persoa ou entidade durante todo o ano ata uns días antes da deliberación do xurado.
As propostas deben remitirse ao Departamento de Lingua do Concello (dlg@santiagodecompostela.org) ou ao Departamento de Comunicación da Cámara de Comercio (informacion@camaracompostela.com) acompañadas, de ser posible, dunha breve memoria sobre os usos lingüísticos da empresa.
Con esta iniciativa, o Concello e a Cámara de Comercio queren recoñecer o labor das empresas que fan do galego un sinal de identidade, proximidade e valor engadido no seu día a día.
