Novas

O Concello de Santiago de Compostela e a Cámara de Comercio lembran que está aberta unha nova edición dos Premios Manuel Beiras, que desde o ano 2000 recoñecen o compromiso das empresas co uso do galego como lingua de comunicación, confianza e identidade. 

Poden participar todas as empresas con actividade ou presenza destacada en Santiago, e as candidaturas poden ser presentadas pola propia empresa ou por calquera outra persoa ou entidade durante todo o ano ata uns días antes da deliberación do xurado.

Ela Diz, Toxo Telecom e Chichalovers foron as empresas seleccionadas polo xurado na XXV edición dos Premios Manuel Beiras que este ano se presentou baixo o lema "En galego, empresa/comercio + intelixente". Recibiron na tarde do 2 de decembro os galardóns nunha gala celebrada no Teatro Principal e presidida pola alcaldesa, Goretti Sanmartín, e pola presidenta da Cámara de Comercio, María Pais.

"En galego, empresa/comercio + intelixente" é o lema co que se presenta a XV edición dos Premios Manuel Beiras ao uso do galego na empresa e o comercio, convocados polo Concello de Santiago e a Cámara de Comercio. O slogan da campaña pretende pór en valor o uso da lingua galega na intelixencia artificial e nos establecementos locais como unha maneira de conectar coa clientela e achegar naturalidade e proximidade nun mercado cada vez máis global.

Limpezas Salgado, Entrelampo e E.nova Enerxía foron as empresas seleccionadas polo xurado na XXIV edición dos Premios Manuel Beiras que este ano se presentou baixo o lema "En galego, naturalmente". Recibiron esta tarde os galardóns nunha gala celebrada no Teatro Principal e presidida pola alcaldesa, Goretti Sanmartín, e pola presidenta da Cámara de Comercio, María Pais.

"En galego, naturalmente" é o lema co que se presenta este ano os 'Premios Manuel Beiras ao uso do galego na empresa e o comercio', convocados polo Concello de Santiago e a Cámara de Comercio. O slogan da campaña pretende pór en valor o uso da lingua galega nos establecementos locais como unha maneira de conectar coa clientela e achegar naturalidade e proximidade nun mercado cada vez máis global.

Vídeo completo da gala de entrega dos Premios Manuel Beiras

O Teatro Principal acolleu un acto, conducido polo humor e a música de Os da Ría, no que Kómic, Abeluria e Orixe e os representantes do Concello e da Cámara expresaron o compromiso coa lingua.

As empresas gañadoras da XXIII edición dos Premios Manuel Beiras

Xa se poden achegar candidaturas para calquera das tres categorías do premio.

Velaquí a gravación completa do acto de entrega dos Premios Manuel Beiras 2021: